“Vetëpastrimit të Policisë së Shtetit do t’i shkohet deri në fund”. Kështu u shpreh ministri i Brendshëm, Taulant Balla referuar rastit ku një punonjësi policie mbrëmjene djeshme u përfshi në një sherr masiv brenda lokalit të natës në ish-Bllok.
“Rikthimi i plotë i besimit të qytetarëve tek Policia e Shtetit është përpjekja ime kryesore si Ministër i Brendshëm për tu ofruar qytetarëve nivelin e duhur të profesionalizmit dhe sigurisë.
Duhet gjithashtu të jetë e qartë se kush nuk i bindet urdhërit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet ta ketë të qartë që toleranca do të jetë zero.
Në rast se një punonjës i Policisë së Shtetit, siç jam informuar sot duke u gdhirë në Tiranë, bëhet palë në një konflikt fizik, ndërsa do të duhej të ndërhynte menjëherë në vendosjen e rregullit, atëherë ky individ nuk mund të qëndrojë më për asnjë çast në Policinë e Shtetit”, shkruan Balla.
