Kryeministri Edi Rama ka folur për çështjen delikate të pensionistëve.
Teksa u pyet nga gazetarët për rritje më të madhe të pensioneve, Rama është përgjigjur se nuk ka “shkop magjik” pasi nëse do të bënin kapërcime, do të çonin shtetin drejt falimentit.
“Ne japim çdo vit nga buxheti i shtetit 16 milionë euro vetëm për të kompensuar pensionistët kryefamiljarë tek fatura e energjisë. Kjo dhe rritja masive e listës së ilaçeve të rimbursueshme nuk zgjidhin pozitivisht përgjigjen e pyetjes. Nga ana tjetër s’ka asnjë shkop magjik për të bërë kapërcime të një natyre që do të mund t’i jepnim përgjigje pozitivë. Nëse do e bënim një rritje të madhe për pensionet, do të falimentonim shtetin. Është e pamundur! Nuk po vdes asnjeri. Kjo pyetje s’ka përgjigje të lehtë se do ja kishim dhënë ne”, tha Rama që shpesh herë ka deklaruar se të “moshuarit i ka pikë të dobët dhe sa herë krijohet mundësia mendon për rritje pensionesh”.
