Paga mesatare në Shqipëri ka arritur nivelin 700.905 lekë të vjetra, sipas të dhënave te fundit të INSTAT ose 16.9% më e lartë se e njëjta periudhë vitin e kaluar.
Kjo rritje me 4-herë mbi normën e inflacionit, është ndikuar nga reforma e ndërmarrë prej Qeverisë Rama për pagat në administratën publike. Rritja për pagat në shtet është me 20%, ndërsa ndërsa niveli mesatar i rrogave në administratë ka shkuar në 820.200 lekë të vjetra nga 680 mijë lekë që ishte më parë.
Sipas INSTAT sektorë të tillë si: Bujqësia, tregtia, ndërtimi e industria, po jep rroga për punonjësit e tyre në një mesatare prej 600 mijë lekë te vjetra. Të dhënat tregojnë se një i punësuar në banka, punonjës IT, shoqëri sigurimi, kanë pagë mesatare deri në 3.5 herë më të lartë se të punësuarit në bujqësi, ndërtim e shërbime të tjera.
Qeveria Rama synon që pagën mesatare ta dërgojë në 900 euro dhe ka premtuar edhe rritje te tjera për sektorin publik gjatë vitit të ardhshëm.
