Kryeministri Edi Rama të enjten do të zhvillojë një vizitë në Londër, ku do të takohet me homologun britnik, Rishi Sunak.
Bëhet me dije se Rama do të takohet me Sunak dhe do të diskutojnë për dy çështje që janë, krimi dhe emigracioni. Kujtojmë që qeveria shqiptare me atë të britanisë kanë pasur përplasje për shkak të emigrantëve, ku shpesh Tirana ka kritikuar britanikët për gjuhën e përdorur.
Në fund të vitit që lamë pas, Rama dhe Sunak ranë dakord të thellojnë bashkëpunimin në tri fusha me interes të përbashkët. Në një komunikatë të përbashkët u theksua se bashkëpunimi do të fokusohet në çështjet e sigurisë dhe punët e brendshme, ku do t’i jepet vëmendje e posaçme luftës kundër krimit të organizuar dhe emigracionit të paligjshëm; rritjes ekonomike dhe investimeve, rinisë dhe arsimit.
