Duke nisur nga sot 3 korrik 2023 nuk do të ketë më sportele fizike për shërbimet në Kadastër, pasi cdo shërbim do te merret online.
Janë 71 shërbime të Kadastrës që do të merren online, pa pagesë. Lajmi fantastik u konfirmua nga kryeministri Edi Rama i cili ka bërë me dije se nga Kadastra do të largohet korrupsioni i tmerrshem.
“Të hënën në datën 3 korrik Kadastra nuk është e aksesueshme për asnjë. Askush brenda në Kadastër nuk do të mundet dot tju përgjigjet. Asnjë nga kushërinjtë apo miqtë e miqve nuk do ju përgjigjen. Nga e hëna 3 korrik Kadastra është makineri dixhitale. Askush nuk do të gjejë dot si trajtohet prona veç makinerisë së Kadastrës. Qytetarët të mos shkojnë më në Kadastër se nuk i pret askush. Çdo veprim do të bëhet online përmes e-albania” njofton Rama.












