Kryeministri Edi Rama ka dërguar në Presidencë 6 vakancat për bashkitë që ndodhen pa kryebashkiak, përfshirë edhe Tiranën.
Rama i kërkon Presidencës datën e zgjedhjeve për Tiranën, pavarësisht se Kushtetuesja nuk ka dhënë ende “verdiktin” e saj, sa i takon ankimimit që ka bërë Erion Veliaj i cili kundërshton shkarkimin me pretendimin se vendimi është i paligjshëm dhe anti-kushtetues.
Në një përgjigje për “Euronews Albania”, Gjykata konfirmon se vendimarrja e Këshillit Bashkiak “pezullohet automatikisht”, derisa të jepet verdikti final i Kushtetueses.
“Gjykata Kushtetuese vijon të monitorojë procesin dhe do të japë vendimin përfundimtar në përputhje me legjislacionin në fuqi”, thuhet në reagimin e Gjykatës Kushtetuese.
Ende nuk ka asnjë informacion si do të veprojë Presidenca në rastin e Veliajt pasi nuk mund të shpallë një datë zgjedhjesh në një moment kur Kushtetuesja ende nuk ka dhënë vendimin për ankimimin e ish-kryebashkiakut tashmë të shkarkuar.
