Avokati Spartak Ngjela tha se Edi Rama ka dashur kohë në dispozicion për të rikthyer Arben Ahmetajn. Sipas Ngjelës, shumica socialiste ka kërkuar që seancën e posaçme ne Kuvend të zhvillohet ditën e hënë dhe jo nesër pasi shpresojnë që ish-ministri do të rikthehet në Shqipëri dhe të përballet me akuzat në Gjykatë.
“Pse donin ta çonin të hënën socialistët? Kanë shpresë se do të kthehet Ahmetaj. Opozita ka insistuar që të mos humbej kohë, Rama ka tentuar të fitojë kohë, atëherë pse e ka dashur kohën? Ndoshta për të rikthyer Ahmetajn ne Shqiperi. Tani le të presim dhe të shohim. Çfarë ndryshimi ka nga e premtja në të hënën që të bëhej heqja e imunitetit, asgjë”, tha Ngjela.
Sipas informacioneve të tij, Ngjela zbuloi edhe vendin e largët në të cilin ndodhet Ahmetaj: “Sipas të dhënave të mia Ahmetaj është në Kanada. Shqiperia me Kanadanë nuk kamarrëveshje ekstradimi dhe ai nuk mund të ekstradohet, vetëm nëse kthehet vetë”.
