Deputeti socialist Petro Koçi e konsideroi si një fenomen shumë të rëndë skandalin që ka përfshirë spitalin Onkologjik pranë QSUNT.
Koçi tha se korrupsioni në Shqipëri është shoqëror dhe nuk duhet të trajtohet si një fenomen politik.
“Qëndrimi që mban opozita lidhur me këtë skandal është edhe i çuditshëm, por edhe i kompromentuar. Këta mendojnë se përgjegjësi ka politika. Kemi njerëz që janë kapur me “presh në dorë”. Mes atyre që janë kapur me “presh në dorë” ka ndonjë që është patronazhist të PD-së, atëherë çfarë do të themi ne që e ka fajin kjo parti? Këtu s’ka lidhje të kujt janë, ata u kapën në një moment shumë të rëndë, shumë kompromentuese, një sjellje barbare, nëse ata që kanë thënë janë të vërteta. Përgjegjësi mbajnë ata që kanë krijuar këtë grupin e strukturuar, mund të ketë edhe persona të tjerë që mund të kenë përgjegjësi administrative, sepse mund të mos kenë vepruar duke qenë në dijeni të asaj që ka ndodhur”, tha Koçi.
