Eugen Beci, ish kreu i Krimeve të Rënda, në “Top Story” tregoi diferencën mes Prokurorisë së Krimeve dikur dhe SPAK-un sot.
Risia është te hetimi i korrupsionit të zyrtarëve të lartë tha Beci për Prokurorinë e SPAK, ndërsa u ndal te perceptimi në publik i kësaj prokurorisë dhe për personat që kalojnë pragun për t’u pyetur nga prokurorët.
“Duhet shpjeguar që Prokuroria e Posaçme me Prokurorinë e Krimeve kanë një ndryshim rrënjësor. Prokuroria e krimeve të rënda ka qenë e fokusuar në grupe kriminale dhe gjithë veprat me krimin e organizuar. Risia e prokurorisë se Posaçme është të hetimi i korrupsionit të zyrtarëve të lartë. Janë krahasime që do çalojnë. Kur kalohet gardhi për të hyrë në Prokurorinë e Posaçme, personi hyn dhe i zbaton të drejtat që ka, të mos i sekuestrohet telefoni në mënyrë të padrejtë. Është mënyrë intimiduese të shohë çfarë ka bërë në telefon. Nëse hyn brenda asaj prokurorie, çfarëdo të jesh, kur hyn brenda Prokuroria duhet të ndalojë dhe mos të shfrytëzojë karakterin e dobët të njërit apo tjetrit”, u shpreh Beci.
