Edi Rama gjatë konferencës ku morën pjesë 40 rektorët e Universiteteve shqiptare, kryeministri ka deklaruar se një nga problemet më të mëdha që hasin studentët, është strehimi.
Rama tha se pas ndërtimit të Kampusit Universitar të Tiranës, qeveria ka hapur proceduar për ndërtimin edhe atij të Durrësit.
“Jemi akoma larg kushteve infrastrukturore për të përmbushur sfidat dhe nevojat. Ju e dini që unë besoj shumë tek godinat, dhe kemi dy kampuse përpara. Kampusin e madh të Tiranës dhe ndërkohë kemi hapur procedurat për atë të Durrëesit”, tha Rama.
Kryeministri tha se për këtë projekt, kanë shfaqur interes 40 studio aritekturore ndërkombëtare. Ndërsa më tej shtoi se me futjen në përdorim të linjës hekurudhore Tiranë-Durrës, në kampusin e Durrësit, do të strehohen edhe studentë nga kryeqyteti.
“Kemi pasur një interes të jashtëzakonshëm nga 40 studio aritekturore ndërkombëtare, për të krijuar rezidenca studentore, duke pasur parasysh trenin që do të jetë nën fuksion së shpejti, dhe studentët që jetojnë në Tiranë të strehohen në kampusin e Durrësit. Dhe për këtë arsye do të ndërtojmë një kompleks rezidencial studentor shumë të mirë, në mënyrë që të ndihmojmë në një nga problemet më të mëdha që kanë studentët, çmimet e larta që kanë qiratë në Tiranë, por edhe në Durrës”, tha kryeministri.
