Superjahti i Emirit të Katarit është ankoruar mëngjesin e së premtes në Portin e Durrësit.
“Katar” është jahti 124 m i gjatë, i cili kushton 400 milionë dollarë dhe sot është ankoruar në kalatën numër 4 të portit të Durrësit. Ky jaht është ndërtuar në vitin 2010 nga kompania prestigjiozi “Lurssen”. Ky jaht luksoz përbëhet nga një superstrukturë alumini dhe kuverta nga druri tik.
Anijet turistike dhe jahtet po përfshijnë gjithnjë e më shumë vendin tonë në axhendat e tyre, duke e kthyer Shqiperine në një prej destinacioneve të preferuara. Autoriteti Portual Durrës ka marrë të gjitha masat për pritjen e anijeve dhe sigurinë e turistëve në territorin portual, duke vënë kalatat portuale në funksion të tyre përgjatë gjithë sezonit.
