Nuk ka më dyshime! Duke nisur nga data 1 mars e në vijim, të gjithë pensionistët do të mund të marrin shpërblimin e dytë, bonusin e pranverës bashkë me vlerën mujore të pensionit.
Të moshuarit me pension deri në 200 mijë lekë të vjetra do të përfitojnë 100 mijë lekë bonus, kurse ata që e kanë pensionin mbi 200 mijë lekë të vjetra do të përfitojnë bonusin 50 mijë lekë.
Kryeministri Edi Rama bëri publik lajmin e mirë bashkë me vendimin se “bonusi i pranverës” do të shpërndahet duke nisur nga 1 marsi.
“Ta gëzojnë pensionistët dhe Zoti paftë e bëftë për ata që luajnë edhe me nervat e tyre”, theksoi Rama.
PENSIONET QË PËRFITOJNË BONUS:
- Pensionet e pleqërisë
- Pensionet e kooperativave
- Pensionet sociale
- Pensionet e invalidëve të luftës
- Pensionet e caktuara me dekret
- Pensionet e caktuara nga sigurimet shoqërore
- Pensione suplementare
- Pensionet e familjeve të pilotëve që humbin jetën
- Pensionet e oficerëve
- Pensionet e minatorëve
- Pensionet e atyre që kanë punuar nën tokë
- Pensionet e ushtarakëve
- Pensionet e akademikëve
- Pensionet e personave që kryejnë funksione kushtetuese
- Pensionet e invalidëve
- Pensione të veçanta
- Pensionet për fëmijët në përkujdesje të shtetit
