Kryetarja e grupit parlamentar të LVV-së, Mimoza Kusari-Lila i është përgjigjur kryeministrit Edi Rama, i cili ditën e djeshme i kërkoi homologut të tij të Kosovës, Albin Kurti që të dalë nga “gucaka e izolimit”.
Kusari-Lila në mënyrë të drejtpërdrejtë i ka kërkuar Ramës që të mbyllë ‘Ballkanin e Hapur’, një nismë që sipas saj, izolon Kosovën. Kujtojmë që Edi Rama “kërcënoi” presidentin Aleksandër Vuçiç se nëse nuk liron brenda javës 3 policët e rrëmbyer në Kosovë, atëherë Shqipëria do të vendosë marrëdhënie të “akullta” me Serbinë.
“I dashur kryeministër Edi Rama është kohë vere dhe akulli mund të shkrihet shpejt. Më mirë mbylleni “Ballkanin e hapur” dhe do shihni si do të ngrihen fqinjët verior nga fryma e jugut. Kidnapimi & mbajtja e policëve është arsyeja e kahmotshme pse kufinjtë e hapur me këtë Serbi nuk bëjnë” – shkruan Kusari.
