Kryeministri Edi Rama, ka reaguar sërish në lidhje me situatën e tensionuar në veri të Kosovës.
“Me zë të lartë dhe të qartë për të gjithë ata që duan të dëgjojnë“, shkruan Edi Rama teksa shpërndan deklaratën e Ambasadës së SHBA-së në Prishtinë, e cila dënoi sulmet ndaj EULEX si dhe kërkoi çmontimin e menjëhershëm të postoblloqeve.
“Ata që ngritën postblloqe të paligjshme duhet t’i çmontojnë ato menjëherë. Ne presim që t’i jepet fund të gjitha kërcënimeve të dhunës dhe frikësimit. Ne shprehim mirënjohjen dhe mbështetjen tonë të plotë për Forcën e NATO-s në Kosovë (KFOR) për përpjekjet e saj për të garantuar sigurinë dhe lirinë e lëvizjes dhe për Misionin e Bashkimit Evropian për Sundimin e Ligjit (EULEX). Ne i dënojmë fuqishëm si të papranueshme të gjitha sulmet ndaj agjencive të sigurisë kosovare dhe ndërkombëtare”, thuhej në deklaratë.
