Deputetët e opozitës (Berisha- Bardhi) po përgatiten të shkaktojnë sërish “kaos” edhe në seancën e sotme plenare që nis në orën 17:00.
Opozitarët e përjashtuar do të mbërrijnë në Kuvend për t’u bërë pjesë e seancës, pasi argumentojnë se afati 10 ditor i përjashtimit ka përfunduar më datë 29 tetor.
Por duket se ndryshe mendon mazhoranca socialiste, e cila i referohet Rregullores së Kuvendit, nenit 121/1 dhe konkretisht fjalisë së dytë të pikës 3 ku thuhet se: “Kur dita e fundit e një afati bie e shtunë, e diel ose një ditë feste zyrtare, afati mbaron në ditën e punës që vjen pas saj”.
Deputetët e Berishës dhe Bardhit kanë vendosur që të jenë të pranishëm dhe të mblidhen para ndërtesës së Parlamentit 30 para se të nisë seanca që pritet të shkaktojë kaos me Garden e Republikes e cila nuk do t’i lejojë 23 deputet e opozites qe te futen ne Kuvend pasi janë të përjashtuar.
