Kryeministri Edi Rama ka marrë pjesë sot në homazhet për nder të mjekut të shquar Ilir Ohri. Kreu i Qeverisë shkruan se Ohri ishte një pikë referimi në botën e mjekësisë shqiptare, dhe do ju mungojë familjen, studentëve e miqve.
“Ilir Ohri ishte më i miri nga ne, thonë njëzëri kolegët e tij. Sot profesori i shumërespektuar, u nis për në banesën e fundit. Ishte një privilegj që pata mundësinë ta njoh dhe të bisedoj me të.
Ngushëllime familjes, kolegëve, mjekëve e studentëve që humbën sot një mik dhe një pikë referimi në botën e mjekësisë shqiptare”, shkruan Rama, teksa ndan pamjet e mëposhtme, shoqëruar me një figurë (emoji) zemërthyer.
