Kryeministri Edi Rama u shpall sot “Qytetar Nderi” i Vaccarizzo Albanese, një qytezë e banuar nga arbëreshët. Ndërkohë, vetëm më parë në llogarinë e tij në “Instagram”, Rama ka publikaur një sërë fotosh nga pritja që iu bë si dhe ceremonia.
“Mirënjohje për arbëreshët, dëshmia me e bukur e origjinës tonë”, shkruan Rama ku detaji që bie në sy është shfaqja e kryeministrit “dorë për dore” me bashkeshorten e tij, Linden.
Në ceremoninë e zhvilluar sot, kreu i qeverisë shqiptare vlerësoi se kultura arbëreshe është një gur i çmuar i historisë dhe traditës. Kryeministri Rama, pasi mori titullin “Qytetar Nderi”, nënvizoi rëndësinë e formimit më tej të lidhjeve vëllazërore me arbëreshët e Italisë.
