Gjykata e Elbasanit me kërkesë të prokurorisë ka liruar nga qelia e burgut Saimir Tahirin. Vendimi është dhënë sot nga gjyqtarja Matilda Fetau, e cila ka vendosur që pjesën e mbetur të dënimit, ish-ministri i Brendshëm Tahiri ta përfundojë në masën e sigurise “arrest shtëpie”.
Gjyqtarja ka argumentuar se për shkak të probleme shendetësore të bashkëshortes së ish ministrit Tahiri dhe faktit që ai duhet të kujdeset për dy fëmijët e mitur, ka vendosur që të lirojë nga qelia Saimir Tahiri, për të kryer në shtëpi, pjesën e mbetur të dënimit.
Ish-ministri i Brendshëm u dënua për shpërdorim detyre me tre vite e 4 muaj burg, ndersa Saimir Tahiri u zotua se do te kerkojne drejtesine e munguar deri ne diten e fundit.
