Kryeministri Edi Rama, i shoqëruar nga zv. kryeministrja Belinda Balluku morën pjesë paraditen e kësaj të premte në ceremoninë e inagurimit të aksit rrugor Qukës-Qafë Plloçë.
Kreu i qeverisë shqiptare u prit nga banorët e zonës me daulle e valle, ndërkohë që nuk munguan as kostumet tradicionale të zonës si dhe flamujt shqiptarë.
Qukës-Qafë Plloçë është një nga “arteriet” më të rëndësishme për juglindjen e vendit dhe pritet që me hapjen e saj të çlirojë fluksin e qarkullimit. Me përfundimin e këtij aksi do të shkurtohet distanca nga Tirana në Korçë për rreth 1 orë e 30 minuta.
Ky projekt përmirëson parametrat e rrugëtimit dhe bën të mundur aksesimin e trafikut, që kalon ndërmjet Korridorit të 8-të nga aksi rrugor Tiranë-Elbasan me pjesën e juglindjes, si dhe shkurtimin e distancave me pikën e kalimit kufitar të Kapshticës, qytetin e Korçës dhe më tej.
View this post on Instagram












