Kryeministri Edi Rama teksa pa nga afër punën si bëhet procesi i sterilizimit të pajisjeve mjekësore dha lajmin se vitin tjetër do të sjellin robotët për ndërhyrjet kirurgjikale.
Këtë Rama e shprehu gjatë bisedës me një mjek, i cili u shpreh se tashmë etapat kanë ndryshuar.
“Jemi duke punuar me këtë pjesë, jemi duke punuar dhe besoj që vitin tjetër do të sjellim robotët. Ndërhyrja me robotët nuk është e hershme, është shumë e re. Ne jemi duke e përgatitur dhe do sjellim robotët”, tha Rama, ndërsa mes batutave i tha mjekut se edhe ai do t’i arrijë robotët.
Gjithashtu sa i takon procesit të sterilizimit, Rama u shpreh se hetimi nga ana e SPAK nuk e cënon aspak, sipas tij suksesin.
