Presidenti Aleksandër Vuçiç ka deklaruar disa ditë më parë se nuk do të marrë pjesë në Samitin e BE-Ballkani Perëndimor që do mbahet në Tiranë.
Lidhur me këtë, është pyetur kryeministri Edi Rama nga gazetarët, i cili është shprehur se Serbia do të jetë në Samit. Sipas kryeministrit, nëse Vuçiç nuk vjen, atëhere kjo do të jetë katastrofike jo vetëm për të por edhe për Beogradin.
“Vetëm kryeministri i Spanjës nuk do të jetë. Më ka çuar një sqarim me anë të një letre. Spanja ka ditën e Kushtetutës, dhe është ditë me rëndësi shumë të madhe. I dini dhe tensionet e brendshme në Spanjë. Për qëllime të politikës së tyre të brendshme. Kurse Serbia do të jetë në samit. Vuçiç nuk ka asnjë rrugë tjetër përveç se të vijë në samit. E kundërta do të ishte katastrofë për të dhe për Serbinë” tha Rama.
