Mbahet sot seanca gjyqësore në GJKKO për ish-ministrin Fatmir Mediu sa i takon çështjes ‘Gërdeci’.
Mediu kërkon në Gjykatën e Posaçme pyetjen e 90 dëshmitarëve për llogari të procesit ndaj tij në këtë gjykatë. Mes tyre zyrtarë të lartë të mbrojtjes së DASH dhe qeverive, gjeneralë të NATO dhe ish-ministrat e Mbrojtjes së qeverisë shqiptare, shkruan Balkan.Web
Mbrojtja e ish-ministrit Fatmir Mediut, kërkon që mes dëshmitarëve të pyeten: Pandeli Majko, Mimi Kodheli, Ridvan Bode, Petro Koçi, Aldo Bumçi dhe shumë të tjerë zyrtarë të lartë qe kanë qenë në pozicione kyçe kur ka ndodhur tragjedia e Gërdecit.
Po ashtu, Mediu kërkon të kryhet eksperiment për shpërthimin që ndodhi vite më parë. Mediu në tentativa për të provuar pafajësinë e tij, parashtroi përmes mbrojtjes, kërkesën e tij, ndërkohë që Gjykata u tërhoq për vendim.
