Ish-deputeti Ervin Salianji sqaroi lëvizjen e tij të re brenda Partisë Demokratike pas takimit me strukturat e kësaj partie në Durrës ku e gjithe salla ishte plot e pêrplot.
Salianji theksoi se nuk synon të krijojë një parti të re, pasi është pjesë e PD-së dhe nuk mendon largimin nga aty.
Do të hapesh parti te re? “Ne jemi PD, unë personalisht nuk largohem në asnjë moment. Ne krijojmë hapësirat. Nuk kam marrë asgjë qyl. Kam pasur të njëjtën problematik. Ngaqë flisja hapur në 2021 më hoqën nga listat. Shkova mblodha njerëzit në Korçë, hyra prapë në lista. Shkova mblodha atje 1000 njerëz edhe thanë ky është deputeti. U zgjodha nga interesi i qytetarëve dhe vota, nuk zgjidhet nga qejfi. Nuk më pengon asgjë të komunikoj me Berishën. Këtu ka një element, kam këtë mendim mund të ketë mendim tjetër. Këtu e shohim me njerëzit, ti dëgjojmë dhe njerëzit, ça mendojnë. Ku ndalohet në statut të takosh demokratët. Ndalohet në ndonjë vend. PD si forcë që duhet të sjellë ndryshimin“, tha Salianji.
