Çmimi i energjisë do të mbetet i pandryshuar për konsumatorët edhe për muajin nëntor. Enti Rregullator i Energjisë në mbledhjen e Bordit ka miratuar pezullimin e tarifës 42 lekë për kilovat/orë të konsumuar mbi fashën 800 kWh për muajin nëntor.
I propozojmë Bordit të ERE-s: “Lënia në fuqi e çmimit të shitjes me pakicë të energjisë elektrike të FSHU sha për konsumatorët familjarë prej 9.5 lekë për kWh të miratuar me anë të vendimit të Bordit të ERE-s nr 74 dt 13.4.22 për muajin nëntor 2022”.
Dy ditë më parë ministrja e Energjisë dhe Infrastrukturës, Belinda Balluku dhe Kryeministri Rama njëzëri deklaruar se fasha nuk do të aplikohet për muajin nëntor, pasi pritet një përmirësim i situatës hidrike, si dhe çmimi në bursë ka rënë krahasuar me pikun që arriti në gusht.
