Kryeministri Edi Rama i është përgjigjur akuzave të opozitës pas lajmeve të publikuara në disa medie për “çështjen Becchetti”, se Arbitrazhi i ka kërkuar Shqipërisë t’i paguajë 108 milionë € biznesmenit italian.
Rama sqaroi se Shqipëria nuk ka paguar asnjë qindarkë në favor të biznesmenit, ndërsa ka paralajmëruar se qeveria po mendon daljen nga juridiksioni i Gjykatës së Arbitrazhit.
Pyetje: A janë ngrirë llogaritë e Albcontroll në interes të Becchetit?
Rama: “Së pari njëherë meqë më dole në një temë kaq të dashur për ata që gëzojnë që sa herë ka lajme të kësaj natyre, në vend që të irritohen që një kriminel arrin të çajë rrugët në një gjykatë me të cilën ne do të hapim probleme të mëdha, duke nisur nga java e ardhshme. Po mendojmë daljen fare nga juridiksioni i kësaj gjykate, pas vendimeve skandaloze. Por po këta njerëz i kanë thënë publikut se Shqipëria i ka paguar ato para, por ja që këto 100 milionë nuk kanë ikur, nuk janë fare në xhepin e atij mashtros. Duhet t’u kërkoni falje shqiptarëve për dezinformim. Detyra ime është që të ruaj kofindecialitetin e procesit”
