Ministri i Drejtësisë, Ulsi Manja ka dhënë detaje në lidhje amnistinë për ndërtimet e paligjshme.
Manja tha se kategoritë përfituese për ndërtimet e paligjshme janë ata persona që kanë ndërtuar pa leje në tokën e vetë apo në kushtet e një leje të shfuqizuar në pronësi të vetë.
“Flas për personat që janë ende në hetim ose në proces gjykimi nga gjykata, sepse si kategori përfituese të dënuarit është ndërtimi i paligjshëm. Ne kemi kërkuar që kush ka ndërtuar pa leje në tokën e vetë apo në kushtet e një leje të shfuqizuar në pronësi të vetë, të jetë kategori përfituese. Kush ka ndërtuar pa leje për plotësimin e nevojave për strehim, është kategori përfituese, dhe këtu i referohen nenit 199a. Natyrisht që nuk janë kategori përfituese, paragrafi i tretë dhe i katërt, ata që kanë ndërtuar në tokë e tjetrit ose në tokën shtetërore. Kemi dashur tu japim mundësinë të përfitojnë nga kjo mundësi, të gjithë ata kategori personash që kanë ndërtuar në tokën e tyre, për strehim”, tha Manja.
