Demokratja Grida Duma ka lënë mandatin pas pesë vitesh si deputete e Kuvendit të Shqipërisë në Partinë Demokratike.
Në një konferencë për shtyp nga Kryesia e Kuvendit, Grida njoftoi lënien e mandatit. Duma ka mbajtur postin e Zëvendësministres e Integrimit të Republikës së Shqipërisë nga tetori 2011 deri shtator 2013 në kabinetin Berisha.
Duma po e lë mandatin e deputetes për t’iu futur botës së televizionit. Dje u raportua se Duma do të nisë një emision dy herë në javë në Top Channel. Në këtë mënyrë Grida Duma konfirmon se Partia Demokratike është në një krizë të thellë duke u përçarë në dy kampe pasi pritet të dalin me dy kandidatë. Një ditë më parë mandiatin e deputetit e la edhe demokrati tjetër Alfred Rushaj.
