Forcat e kërkim-shpëtimit nga Shqipëria, të cilat kanë arritur në Turqi ditën e sotme për ti ardhur në ndihmë në këto ditë të vështira, kanë treguar se kanë mundur të nxjerrin një vajzë 4-vjeçare nga rrënojat.
Mjekja Aroxhena Mara, Shefi i Shtabit të FA, Arben Kingji dhe mjeku Ekton Reso kanë treguar se puna e tyre është shumë e vështirë, por që po mundohen të japin më të mirën. Ata kanë qenë në detyrë edhe gjatë tërmetit të 26 nëntorit në Shqipëri, por sipas tyre çdo operacion është krejtësisht i ndryshëm.
“Sot u gjet një fëmijë 4 vjeçar nën rrënoja, u dëgjuan ulërimat e saj. E shpëtuam pas 31 orësh. Ekipi jonë arriti që të identifikojë një fëmijë, pastaj me bashkëpunimin e forcave turke e nxorrëm nga rrënojat”, tregon ekipi shqiptar.
