Kryeministri Edi Rama thotë se rritja e pagës mesatare wshtw “frut i punës” së përbashkët të çdo qytetari, në shtet apo në privat, që kontribuon për ekonominë e vendit me punën e vet.
Vendimi se paga mesatare do të rritet në 900 euro brenda një viti u njoftua nga vetë Rama pak ditë më parë pas mbledhjes me qeverinë.
“PAGAT E REJA, falë të cilave paga mesatare në Shqipëri thuajse dyfishohet duke arritur majën historike të 900Eurove në 2024, janë frut i një përpjekjeje të gjatë, këmbënguljeje e durimi të madh për reforma të vështira e masa të domosdoshme për ekonominë dhe për financat tona, rritjeje të të ardhurave falë rritjes së ekonomisë. PAGAT E REJA janë frut i punës sonë të përbashkët, të çdo shqiptari e shqiptareje, që në shtet a në privat, kontribuon për ekonominë shqiptare me punën e vet”, shkruan Rama.
