Zëvendëskryeministrja Belinda Balluku e cilësoi ditë historike për Shqipërinë 6 dhjetorin, kur në Tiranë do mbahet samiti BE-Ballkani Perëndimor.
Gjatë fjalë së saj në Kuvend Balluku u shpreh se fakti që është zgjedhur Shqipëria për një event të tillë kaq rëndësishëm, është edhe një vlerësim për punën e qeverisë në përmbushjen e standardeve evropiane.
“Fakti që është zgjedhur Shqipëria na bën krenarë, është një ditë kur Shqipëria ka marrë një tjetër rëndësi për Evropën. Është edhe një vlerësim për qeverinë tonë për përmbushjen e standardeve evropianen të kërkuara nga partnerët strategjikë. Përtej ndjenjës së krenarisë si vendi i përzgjedhur për një event kaq të rëndësishëm, do të duhej të theksonim marrëdhënien shumë të mirë që kemi kultivuar vitet e fundit me BE dhe mekanizmat e saj për zhvillimin ekonomik”, tha Balluku.
