Ministri i Mbrojtjes, Niko Peleshi ka dhënë informacione për situatën aktuale në vend pas reshjeve të dendura të shiut të cilat ditën e sotme kanë “pushtuar” të gjithë territorin e Shqipërisë.
Ministri tregon se disa prej bashkive që kanë probleme për shkak të reshjeve të mëdha. Sipas informacioneve, problematike paraqitet situata në qarkun e Shkodrës dhe në Malësi të Madhe, aty ku ka nisur evakuimi i banorëve që rrezikohen nga përmbytjet.
“Për qarkun Lezhë; në Kurbin ka rënë rreth 15 mm shi, në Zadrimë 131 mm, kemi disa sipërfaqja të përmbytura në këto zona. Ka rreth 500 Ha të përmbytura. Në Fushë-Arrëz, raportohen dëmtime të rrugëve rurale dhe shkëputje te energjisë elektrike.
Në bashkinë Malësi e Madhe ka dalë nga shtrati përroi. Po vijon puna për evakuimin e banorëve që rrezikohen nga përmbytjet. Jemi në gatishmëri dhe kemi mbledhur Komitetin e Emergjencave për të rritur gatishmërinë. Nga njëra anë është lajm i mirë për furnizimin me energji elektrike, pasi po mbushen hidrocentralet“, tha Peleshi.
