Kreu i Kadastrës, Artan Lame deklaron se kompanitë që nuk kanë përfunduar deri në fund procesin e hipotekimit të apartamenteve nuk do të marrin leje të reja ndërtimi nga Bashkia e Tiranës.
Nga Kombinati, Lame tha se pak ditë më parë është rinovuar me Bashkinë e Tiranës një listim i subjekteve që kanë vonesa, dokumentacion të paparaqitur apo pallate të palegalizuara. Ai u shpreh se subjektet në fjalë nuk duhet të drejtohen në Bashkinë e Tiranës për të marrë leje të reja ndërtimi. Lame tha se kjo është një mënyrë për t’i detyruar subjektet për të përfunduar proceset e formalizimit për pallatet e nisura.
“Marrëveshja me Bashkinë e Tiranës vazhdon për të mos dhënë leje ndërtimi për ato subjekte që nuk kanë mbyllur procedurat ekzistuese”, tha ai.
