Ish-deputeti demokrat, Dashnor Sula fol për lëvizjet e fundit të Ervin Salianjit brenda Partisë Demokratike, të cilat kanë ‘trazuar ujërat’ në parti.
Sula tha se ndonëse Salianji po tenton të krijojë frymë të re brenda partisë, Partia Demokratike, mbetet në pronësi të kryetarit aktual, Sali Berisha.
“Unë e di fundin e këtij filmi. Fundi i filmit është se, PD është pronësi e Berishës. Partitë regjistrohen në gjykatë, ky ka mundësi të ketë certifikatë pronësie nga hipoteka. Nga 1991 deri më sot atë parti e ka udhëhequr dhe e ka kontrolluar Sali Berisha. Kush thotë që Basha, që të ketë iluzion se Lulzim Basha të ketë qenë kryetar partie nuk kanë qenë kurrë. Lulzim Basha nuk ka qenë kurrë kryetar i PD, por i udhëhequr nga Berisha“, tha Dash Sula.
