Ilir Proda, drejtori aktual i Drejtorisë së Policisë së Elbasan përflitet se do të jetë “i besuari” i ardhshëm i ministrit të ri brendshëm Ervin Hoxha dhe kryeministrit Edi Rama.
Është pikërisht Proda me një eksperiencë shumë vjeçare në radhët e policisë së shtetit, ai i cili është në avantazh për të marrë drejtimin e Policisë së Shtetit, një post i lënë bosh pas dorëheqjes së ish-drejtorit Muhamet Rrumbullaku.
Nga korridoret e Ministrisë së Brendshme bëhet me dije se pikërisht Ilir Proda plotëson gjithë kriteret që ministri Hoxha ka vendosur për postin e drejtorit të përgjithshëm te Policise se Shtetit. Gjithsesi “vula” dhe firma do të vendoset ditën e premte.
11 kandidatët në garë: 1-Adriatik Tafçiu; 2-Altin Mena; 3-Ardian Çipa; 4-Gentjan Shehaj; 5-Idajet Faskaj; 6-Ilir Proda; 7-Lutfi Minxhozi; 8-Neritan Nallbati; 9-Pëllumb Seferi; 10-Rebani Jaupi; 11-Skënder Hita.
