Gjykata e Posaçme ka dhënë masën paraprake të sigurisë “Arrest me burg” për Vangjush Dakon, ish-kryebashkiak i Durrësit i arrestuar për shpërdorim detyre në dy raste.
Vangjush Dako ka kërkuar masë më të butë sigurie, për të dalë nga qelia, por kjo nuk është pranuar. Përmes avokatëve të tij, Dako ka kërkuar të lërë pasurinë si garanci për të dalë nga qelia dhe derisa hetimet të përfundojnë. Pas një seance maratonë prej shtatë orësh, togat e zeza kanë rrëzuar pretendimet dhe kanë vendosur që ish-kryebashkiaku të qëndrojë në qeli.
Vangjush Dako do të qëndrojë në paraburgim, deri në një moment të dytë pasi avokati është shprehur se do e ankimojnë vendimin e sotëm.
