Kombëtarja Shqiptare u kthye në Atdhe pasi mbylli në mënyrën më të keqe të mundshme aventurën në Kampionatin Evropian.
Elseid Hysaj, ishte lojtari më i kritikuar i Kombëtares, për shkak të gafave të tij pasi çdo gol që pësonte Shqipëria ndodhte për fajin e mbrojtësit shkodran.
Sigurisht gafat e tij e kanë një shpjegim, Elseid Hysaj e ka pasur mendjen tek pushimet, kete e konfirmoi vetë lojtari teksa mbërriti sot në Rinas.
“Tani fillojmë pushimet. Ishte një grup i vështirë por shumë bukur shkoi. Falenderoj të gjithë tifozët. Do iki se edhe unë do nis pushimet“, tha Hysaj, duke buzëqeshur pasi nuk i bën përshtypje eliminimi dhe trishtimi i tifozave kuqezi që “pushtuan” Gjermaninë.
