Reshje me intensitet të lartë ka përfshirë të gjithë vendin. Autoriteti Rrugor Shqiptar raporton se nuk ka pasur bllokim të qarkullimit rrugor në akset kombëtare. Ka pasur rënie të inerteve në rrugë më të shpeshta në Rajonin Verior, dhe pemë të rrëzuara, si në Vlorë-Orikumtë. Në aksin Bajram Curri-Valbonë ka pasur rënie gurësh dhe inertesh, qarkullimi për momentin kryhet me një korsi.
Erëra të forta, shira me rrebesh të shoqëruar me vetëtima dhe bubullima kanë qene te vazhdueshme gjate natës dhe orëve të mëngjesit në qytetin e Durrësit. Ndërkohë mësohet se tragetet në dalje janë nisur më herët se zakonisht dhe kanë hyrë normalisht në portin e Barit. Dy nga tragetet e linjës bari Durrës kanë hyre në port. Rreth mesditës pritet të vijë trageti i trete nga Ankona.
Sa i përket rajonit të Lezhës janë krijuar probleme në zonën turistike të Shëngjinit, ku janë përmbytur disa akse rrugore, duke vështirësuar lëvizjen e automjeteve dhe këmbësorëve. Nga moti i keq është pezulluar dhe lundrimi detar për të gjitha mjetet, pasi dallgëzimi është shume i larte.
