Sali Berisha, nga Korca akuzoi qeverinë e Edi Ramës për korrupsion dhe lidhje me krimin.
“Dhe së fundi, jo vetëm rrezik për shqiptarët, por rrezik për Europën. Dhe së fundi, i dëgjoni ju tani sirenat e alarmit që bien nga Uashingtoni për korrupsionin e qeverisë së Edi Ramës dhe lidhjet e saj me drogën dhe krimin”, tha Berisha.
Siç e do zakoni i foltoreve të Berishës, mes tij dhe simpatizantëve ka edhe një bashkëbisedim. Një prej tyre foli për Ervin Salianjin, duke e konsideruar “krimb gjize” dhe duke dalë hapur kundër foltoreve të tij.
“Ne këtej nga jugu i themi duhet të heqim jashtë krimbat e gjizës dhe ne plot krimba gjize patëm si Ervin Salianji e të tjerë që na lanë rrugëve gjithë këto muaj. Ky është mendimi im, shumë demokratë të tjerë mund të kenë mendime të tjera”, tha qytetari.
Kujtojmë se ndërkohë, Ervin Salianji zhvillonte një takim me demokratët në qytetin e Shkodrës.
