Kreu i Lëvizjes Bashkë, Arlind Qori ka paralajmëruar protestë të enjten në orën 18:00 në Kuvendin e Shqipërisë.
Dukshëm opozita është e përçarë dhe në asnjë moment nuk bëhen bashkë, as per protesta pasi Partia Demokratike proteston nën drejtimin e Sali Berishës çdo të hënë.
Adriatik Lapaj pasi u shua protesta e Berishës nisi protestën e tij, i vetëm me një karrige përpara kryeministrisë. Ndërsa i treti, Arlind Qori thotë se Lëvizja Bashkë do të organizojë protestë të enjten në Parlament.
“Nuk më duket sikur rrogat e gjyqtarëve, ministra e deputetë janë përparësia e vendit tonë. Ditën e enjte në orën 18:00, “Lëvizja Bashkë” ka thirrur të gjithë qytetarët që të shkojmë tek Kuvendi i Shqipërisë, si institucioni më i rëndësishëm. Këtë e harrojmë se ato që kanë pushtetin ekzekutiv kanë shpërfillur popullin ashtu edhe Kuvendin. Do të mblidhemi te Kuvendi për t’i kërkuar që të bëj detyrën në kushtet e një krize të madhe morale të qeverisjes, në kushtet e korrupsionit të gjithanshëm. Nuk ka gjëra të parealizueshme nëse dhjetëra mijëra qytetarë i bashkohen kësaj proteste. Politika është raport forcash dhe ne kërkojmë mbështetjen e qytetarëve që ky raport forcash të drejtpeshohet. Nëse të premten mblidhen shumë qytetarë, të siguroj që Rama nuk do të ketë më shumicën parlamentare”, tha Qori.
