Ish-kryebashkiaku socialist, Vangjush Dako, është izoluar në paraburgimin e qytetit të Durrësit.
Burime për mediat bëjnë me dije se Dako ndodhet në të njëjtin paraburgim ku dhe është ish-ministri Lefter Koka dhe ish-deputeti socialist Alqi Bllako.
Ditën e sotme Gjykata e Posaçme dha masën paraprake të sigurisë “Arrest me burg” për Vangjush Dakon, ish-kryebashkiak i Durrësit i arrestuar për shpërdorim detyre në dy raste. Ai ka kërkuar masë më të butë sigurie, për të dalë nga qelia, por kjo nuk është pranuar.
