Nga Bakuja e Azerbajxhanit, ku merr pjesë në Samitin e 10-të të Korridorit Jugor të Gazit si i ftuar nderi i presidentit Ilham Aliyev, kryeministri Edi Rama u shpreh se vendi ynë synon ndërtojë një qendër të gazit natyror të lëngshëm në Vlorë.
Ai foli gjithashtu për një epokë të re dhe të bashkëpunimit me Azerbajxhanin.
“Ndërkohë që flasim sot, Shqipëria është 100% e mbështetur si vend në energjinë e ripërtëritshme. Nisja e dialogjeve për hidrogjenin në kontekstin e korridorit jugor të gazit, është e shumë rëndësishme. Më lini të ndaj me ju, se miqtë tanë azerë kanë qenë të paçmuar në ekspertizën teknike për të hartuar skenarët më të mirë të mundshëm për shfrytëzimin e infrastrukturës sonë ekzistuese. Aktualisht në Shqipëri po kërkojmë të ecim përpara në procesin e gazifimkimit të vendit. Synojmë të ndërtojmë një qendër të gazit natyror të lëngshëm në Vlorë”, tha Rama.
