“Shtëpia e shqiptarit është e Zotit dhe e mikut”. Kjo është një ndër fjalët e urta më të bukura që përshkruan zemërgjerësinë e shqiptarëve. Jo vetëm kryeministri Edi Rama por edhe shqiptarët janë mirënjohës ndaj Turqisë dhe Erdoganit i cili ndërtoi falas 500 banesa në Laç, familjeve të cilat u prekën nga tërmeti i 26 nëntorit.
Së fundmi qytetarët në Laç shprehen të gatshëm për të mbajtur në banesat e tyre shtetas turq të prekur nga tërmeti. Kjo sipas tyre ishte në shenjë falenderimi për financimin e projektit të rindërtimit në qytet nga qeveria turke.
“Jam mirënjohës shumë presidentit Erdogan, njëkohësisht ngushëllime gjithë familjeve të dëmtuara në njerëz. Po qe mundësia se ne jemi një shtet i vogël aq sa të jetë e mund ta ndihmojmë. Duhet të jemi pranë me zemër pranë popullit turk, dyert tona janë të hapura për popullin turk që na ndihmuan”, tha një i moshuar për mikrofolin e Euronews.
