Nga data 1 mars, Drejtoria e Përgjithshme e Shërbimeve të Transportit Rrugor ka njoftuar nisjen e shërbimit risi të targave të personalizuara, një shërbim i kërkuar prej kohësh nga të gjithë të apasionuarit pas makinave.
Në vetëm 5 ditë nga dalja live e konfiguratorit online janë realizuar 92,153 kombinime ndërkohë janë rezervuar 182 targa që në ditën e parë të nisjes së shërbimit, 1 mars. Reperi i mirënjohur Noizy, çeli siparin e kësaj risie duke u pajisur i pari me targën N00IZY.
Të ardhurat nga ky shërbim do të shkojnë për përballimin e shërbimeve jetike për qytetarët/subjektet që DPSHTRR prej vitesh ndihmon t’u ulen kostot dhe për modernizimin e sistemeve dhe infrastrukturës së shërbimeve të transportit rrugor.
