Ministri i Mbrojtjes, Niko Peleshi ka folur në lidhje me situatën në vend, pas reshjeve të dendura të shiut. Peleshi tha se gjatë orëve të fundit ka pasur një përmirësim të konsiderueshëm të situatës nga reshjet intensive që përfshinë vendin.
Ministri konfirmoi se kanë qenë të angazhuar 570 të FA, 495 forca zjarrëfikëse si dhe policië e vullnetarë. Ai tha se ka një tërheqje të ujit dhe aktualisht janë vetëm 26 familje me 99 anëtarë të evakuuar, nga 52 familje dhe rreth 318 banorë që ishin dje. Të tjerët janë kthyer në banesat e tyre.
Përgjithësisht rrugët në rajonin e veriut të vendit janë të kalueshme, veç pak segmenteve. Po punohet dhe shumë shpejt do të jenë të lira edhe disa akse si: Lezhë- Vau i Dejës, Qafa e Malit-Fierzë, Ura e Matit – Lezhë”, tha Peleshi.
