Rajoni është duke u përballur me reshje të dendura shiu dhe erëra të forta, të cilat gjatë ditës së djeshme shkaktuan probleme me përmbytjet në Itali.
Ndërkohë sa i përket Shqipërisë, moti sot është i vrenjtur dhe me shira lokal, të cilët pritet të zgjerohen thuajse në të gjithë territorin gjatë orëvë në vijim. Reshjet priten të moderuara dhe pa rrezik për përmbytje gjatë ditës së sotme, por problemet pritet të nisin gjatë ditës së hënë për zonat veri-perëndimore dhe jugore të Shqipërisë.
Nga a hëna, parashikohet se masat ajrore të ftohta të përplasen fillimisht në Itali si edhe veriun e gadishullit të Ballkanit dhe disa orë më pas në vendin tonë gjatë mbrëmjes se të hënës duke sjellë reshje të dendura shiu në zonën e Shkodrës, Lezhës deri në Durrës dhe Tiranë.
Po ashtu, parashikohen reshje të dendura edhe në jug të vendit, të cilat mund të shkojnë deri në përmbytje në zona të caktuara.
