Gjatë fundjavës, Shqipëria do të karakterizohet kryesisht nga mot i qëndrueshëm, duke sjellë herë pas herë prezencë të reshjeve të shiut në disa zona.
Meteorologu Hakil Osmani bën me dije se dita e shtunë do të ketë prezencë të reshjeve të shiut kurse e diela do të dominohet nga mot i kthjellët dhe me diell.
“Vendi ynë të shtunën do të jetë nën mbizotërimin vranësirave të dendura, të cilat herë pas here do krijojnë mundësi për reshje shiu. Reshjet më të fokusuara do jenë në zona malore, ku do jenë në formën e rrebesheve, kurse në zonën perëndimore reshjet do jenë në sasi të pakta, por nuk përjashtohet mundësia e rrebesheve të izoluara të shiut në qarqet e Elbasanit, Beratit, Gjirokastrës. Dita e shtunë në orët e pasdites vranësirat janë më të dukshme në zona veriore dhe verilindore duke krijuar momente me prezencë shiu. Dita e diel sjell mot të qëndrueshëm përgjatë gjithë 24 orëshit, duke bërë që gjatë mbrëmjes do kemi vranësira”, tha Osmani.
