Ambasadorja e SHBA në Tiranë, Yuri Kim ka reaguar në lidhje me situatën në vend pas reshjeve të dendura të shiut, që ka shkatuar dy viktima dhe përmbytje.
Me anë të një postimi në “Twitter”, Kim i ka shprehur ngushëllime familjes Rushaj për humbjen e kryefamiljarit Petrit Rushaj dhe djalit Jason Rushaj. Ndër të tjera ambasadorja shkruan se SHBA është e gatshme të ndihmojë sipas nevojës.
“Jemi të pikëlluar për vdekjen dhe dëmet që rezultuan nga përmbytjet shkatërruese në veriun e Shqipërisë. Shprehim ngushëllime për familjet e atyre që humbën njerëzit e tyre të dashur dhe respekt për guximtarët shqiptarë që ndihmojnë bashkëqytetarët e tyre. Ne jemi të gatshëm të ofrojmë mbështetje sipas nevojës” shkruan Kim
