Deputeti i Partisë së Lirisë, Tedi Blushi ka deklaruar se mënyra e trajtimit të Ilir Metës ne qeline e burgut shkel standardet e të Drejtave të Njeriut.
Blushi tregoi se Ilir Meta është izoluar duke i mohuar lirinë e fjalës, takimin me familjarët dhe ndalimin e kontakteve me drejtues të Partise se Lirise.
“Mohimi i së drejtës, lirisë së fjalës, mohimi për t’u takuar me familjarët, me drejtuesit e Partisë që ai drejton, në vetvete nuk është gjë tjetër veçse një shkelje flagrante e Konventës së të drejtave të njeriut. Ministër, të kërkoj në emër të Partisë së Lirisë, të reagosh ndaj sjelljes kriminale që po ndodh ndaj kreut të PL-së, liderit të forcës së dytë opozitarë ne vend”, tha Blushi, ndërsa i bëri thirrje ministrit të drejtësisë të reagojë.
