Kreu i grupit parlamentar të PS-së, Taulant Balla, ka replikuar me Sali Berishen pasi u votua që të mos zgjatet diskutimi për Portin e Durrësit.
“Deputeti që sapo foli, foli plot 7 minuta përtej kohës që i takon. Rregullorja e Kuvendit në rastin e një kërkese procedurale jep vetëm 3 minuta. Të ankohesh se s’të jepet kohë në Kuvend kur flet 7 minuta përtej kohës është sa qesharake, aq dhe tallje për sallën e Kuvendit për një turp që ky parlament duhet të ndalet në një seancë për t’i dhënë fund kësaj tragjedie që një ‘non grata’ të vijë e të bëjë pis sa herë i jepet mundësia”, është shprehur Balla.
Por, Berisha nuk është tërhequr po ka bllokuar foltoren e Kuvendit duke u futur live ne Facebook, ndërkohë që Balla dhe socialistët u larguan nga salla.
