Shumë kritika ka marrë Elseid Hysajt për shkak të atij gabimi të bërë në ndeshjen mes Shqipërisë dhe Italisë.
Hysaj ka sqaruar gafën e tij për të cilën tha se tifozët e kanë tepruar me reagimet dhe mallkimet duke dale jashtë futbollit.
“Për mua kampionati ishte vërtetë i çuditshëm dhe shumë i bukur. Kritikat të gjithë i kemi pranuar, por situata doli jashtë futbollit. U ekzagjerua pak si shumë. Unë direkt kam kthyer kokën, kur pashë që topi po hynte në rrjetë, direkt kam menduar se do të thonë njerëzit se ky u shmang. Është një sekondë, është instinkt sepse pashë topin në moment të fundit dhe ula kokën.
Kanë kaluar tepër futbollit, janë marrë me flokët e mia dhe me paraqitjen time. Unë kam djalin 8 vjeç. Më vjen keq që njerëzit mendojnë se vij në Kombëtare për të kaluar ditën. Reagova për shkak të familjes. Ata janë të parët që më kanë mbështetur, babai im, djali dhe gruaja. E shikoja që kur flisja në telefon me prindërit e mi dhe më pyesin si je ti”, tha Hysaj.
